في ١٩٨٦، مفاعل نووي انفجر في أوكرانيا.
الإشعاع طار في الهواء وغطى نص أوروبا.
ومات ناس كتير.
بس مش من الانفجار.
ماتوا من الكذبة اللي جت بعديه. لأن الانفجار خلص في دقيقة اما الكذبة استمرت أسابيع.
وده اللي حول حادثة في مفاعل .. لـ أكبر كارثة نووية في تاريخ البشرية
ليلة الانفجار
الزرار اللي المفروض ينقذهم .. قتلهم
عشان تفهم اللي حصل، لازم تعرف حاجة واحدة الأول
المفاعل النووي مش قنبلة.مصممة عشان تنفرج.
هو أشبه بـ غلاية ضخمة جداً . بتسخن مية بتعمل بخار، بيدور توربين، بيولد كهرباء.
بس الفرق إن الحرارة جوه المفاعل مش من نار
من يورانيوم بيتكسر ذراته وبيطلق طاقة هائلة.
لو الموضوع اتحكم فيه كويس كهرباء نضيفة.
لو خرج عن السيطرة…..كارثة.
الليلة دي — كانت مختلفة
٢٥ أبريل ١٩٨٦.
المهندسين في المحطة كانوا هيعملوا تجربة أمان.
الفكرة كانت: لو الكهرباء انقطعت فجأة، هل التوربين وهو بيتباطأ يولد كهرباء كفاية تشغل مضخات التبريد؟
تجربة منطقية.
بس فيها ٣ مشاكل:
اتأجلت ١٢ ساعة بسبب احتياجات الشبكة والفريق اللي هيعملها اتغير لفريق تاني أقل خبرة
الإجراءات الأمنية اتخطت عشان ما يتأخروش أكتر
المفاعل كان في حالة غير مستقرة والمهندسين عارفين وكملوا
الساعة 1:23:40 صباحاً
المفاعل بدأ يتصرف غريب.
الطاقة بدأت ترتفع بسرعة مش طبيعية.
المهندس الكبير ليونيد توبتونوف ضغط على زرار AZ-5
الزرار الأحمر الكبير. زرار الطوارئ. اللي المفروض يوقف المفاعل فوراً.في ثانيتين
الطاقة بدلاً من ما توقف لي ارتفعت لـ ٣٠٠٠ ضعف الطاقة العادية.
اللي حصل في الثواني الأخيرة
الحرارة الهائلة حولت المية لبخار في لحظة. البخار انقلب لي انفجار نووي النووي.
انفجار أول طار الغطاء الخرساني اللي وزنه ١٠٠٠ طن.
انفجار تاني أقوى بعت قلب المفاعل المشتعل في الهواء السقف اتفتح على السما.
الإشعاع بدأ يطلع لفوق.
أول الناس اللي وصلوا
رجال الإطفاء وصلوا في دقائق.
محدش قالهم إن في إشعاع.قالولهم “حريق في السقف.”
واحد منهم اسمه فاسيلي إيغناتينكو كان عريس جديد. مراتة كانت حامل.
لمس المواد المشتعلة بإيده عريانة.
قال لزميله: “الرماد بيعور زي إبر.”
في غضون أسابيع مات.
الصبح والمدينة صحيت عادي
٥٠ ألف نفر في بريبيات صحوا الصبح.
الأطفال راحوا مدارسهم الناس فتحوا شبابيكهم.
البعض وقف على البالكون يتفرج على “النار الجميلة” في الأفق.
مش عارفين إنهم بيتنفسوا إشعاع. مش عارفين إن حياتهم اتغيرت للأبد.
ومش عارفين إن الحكومة اللي المفروض تحميهم
شايفة وساكتة.
ان تشترك فانا اكتب كل مقالتي بي حب وصدق و ابحث عن كل معلومة وتلك المقالة كتبتها في ١٠ ساعات فاتمني ان تشترك ليصلك كل جديد.
الكذبة الكبرى
“الكذبة اللي قتلت أكتر من الانفجار”
الصبح بعد الانفجار المسؤولين السوفيت عملوا اجتماع.مش عشان ينقذوا الناس.
عشان يقرروا إيه اللي هيقولوه وإيه اللي هيخبوه.
📞 التليفون الأول لموسكو
المدير العام للمحطة فيكتور بريوخانوف بعت تقرير لموسكو الصبح.
كتب إن مستوى الإشعاع ٣.٦ روroentgen في الساعة.
الرقم ده يبدو مخيف بس محتمل.
الحقيقة؟
الأجهزة اللي قاسوا بيها وصلت لأقصى حد عندها وبقت واقفة الإشعاع الحقيقي كان أكتر من ٣٠٠ ضعف الرقم اللي بعتوه.
بريوخانوف عرف وكتب الرقم الغلط.
الدكاترة عرفوا وسكتوا
مستشفى بريبيات بدأ يستقبل الحالات من أول الصبح رجال إطفاء بيتقيأوا.
ناس جلدهم بيتحرق من جوه.
الدكاترة عرفوا إن ده إشعاع نووي مش حروق عادية.
المدير قالهم “اكتبوا في التقارير: ‘مرض غير محدد السبب.’”
عشان الكلمة “إشعاع” ممنوع تتكتب.
الأطفال في المدارس
في نفس الوقت أطفال بريبيات كانوا في المدارس.
المدارس فتحت عادي.الشبابيك كانت مفتوحة.
الهواء الملوث بالإشعاع كان بيدخل الفصول بحرية.
محدش قال للأهالي حاجة محدش أقفل المدارس.لأن القرار من فوق كان:
“أي إعلان هيسبب هلع — والهلع أخطر من الإشعاع.”
📺 التليفزيون السوفيتي
التليفزيون السوفيتي ذكر الخبر في جملة واحدة:
“حصل حادث في محطة تشيرنوبل — الوضع تحت السيطرة.”
وكمل برنامجه العادي
لما أوروبا اكتشفت قبل الناس
بعد يوم واحد
عامل في محطة نووية سويدية دخل شغله الصبح. الأجهزة رن عليه إنذار إشعاع.
فكروا إن المحطة السويدية فيها تسريب
بعد تحقيق اكتشفوا إن الإشعاع على هدومه من بره.
تتبعوا مصدر الإشعاع ولقوه جاي من أوكرانيا.
سويسرا، السويد، ألمانيا كلهم اكتشفوا الكارثة قبل ما المواطن السوفيتي العادي يعرف.
الإخلاء — بعد ٣٦ ساعة
بعد يوم ونص من الانفجار
وبعد ضغط دولي قرروا يخلوا بريبيات.
جم بالأتوبيسات وقالوا للناس:
“هتمشوا لـ ٣ أيام بس خدوا أوراقكم المهمة.”
الناس سابوا أكلهم على النار.
سابوا عيشتهم، حيواناتهم، صورهم.
مصدقين إنهم راجعين بعد ٣ أيام.
محدش رجع المدينه لحد اليوم ما فيها احد حتي انها سميت مدينه الاشباح
الـ ٣٦ ساعة دول اللي الحكومة سكتت فيهم كانوا أغلى ٣٦ ساعة في تاريخ الكارثة.
الأطفال اللي كانوا في المدارس تأثروا بإشعاع ممكن ماكانش يأثر فيهم لو البيوت اتقفلت من الأول.
رجال الإطفاء اللي اشتغلوا من غير معدات حماية ماتوا.والسبب مش الانفجار
السبب إن حد قرر إن الكذب أرخص من الحقيقة.
لأبطال المجهولين
“ماتوا عشان المدينة تعيش ومحدش عرف أسمائهم”
في كل كارثة في التاريخ
في ناس بتختار تروح تنقذ الوضع
مش عشان مضطرين.عشان لو محدش راح
الكارثة هتبقى أكبر بكتير
تشيرنوبل عندها ناس زي دول.
محدش عرف أسمائهم.
ومعظمنا لحد دلوقتي مش عارفهم.
الغواصين التلاتة
بعد الانفجار
المياه الجوفية تحت المفاعل كانت ممتلية بمياه تبريد لو القلب النووي المشتعل وصل للمية دي
انفجار بخاري ضخم كان هيبعت إشعاع يغطي نص أوروبا.
محتاجين حد يدخل النفق تحت المفاعل ويفتح صمام تصريف المية
المكان كان مليان إشعاع ومليان مية ومليان ضلام.
٣ مهندسين تطوعوا
أليكسي أنانينكو
فاليري بيسبالوف
بوريس باراتشف
لبسوا بدل غوص، أخدوا كشافات، ودخلوا.
المية كانت لحد ركبهم الإشعاع كان في أقصاه.
وصلوا للصمام وفتحوه المية اتصرفت.
أوروبا نجت بي سبب 3 مهندسين
الـ ٣ خرجوا وعاشوا خلافاً لكل التوقعات.
بس جسمهم اتأثر للأبدرك ليصلك كل جد
الطيارين
المفاعل المكشوف كان بيطلق إشعاع في الهواء باستمرار.
القرار: يحطوا رمل ورصاص فوق القلب النووي من الهليكوبتر.
الطيارين كانوا بيعدوا فوق المفاعل مباشرة.
كل رحلة جرعة إشعاع ضخمة.
عملوا أكتر من ١٨٠٠ رحلة.
كتير منهم مرضوا بعدها.كتير منهم ماتوا بعد سنين.
وكلهم عرفوا الخطر وراحوا.
عمال المناجم
عشان يمنعوا المياه الجوفية من التلوث
محتاجين يحفروا نفق تحت المفاعل ويحطوا طبقة خرسانية.
بعتوا عمال مناجم من روسيا وأوكرانيا.
الحرارة تحت المفاعل كانت شديدة جداً
لدرجة إنهم اشتغلوا عريانين تقريباً و الإشعاع كان في كل حتة
حفروا النفق في أسابيع.كتير منهم ماتوا بعدها بسنين من أمراض الإشعاع
.
بريبيات المدينة اللي وقف فيها الوقت
على بعد ٣ كيلو من المفاعل بريبيات لسه موجودة.
بس مدينة كاملة. فاضية. واقفة.
لو دخلت دلوقتي هتلاقي:
في المطابخ أكل لسه على النار من ١٩٨٦
في المدارس كتب مفتوحة على آخر درس اتدرس
في الملاعب عرايس أطفال على الأرض
في المستشفى بدل الإطفاء اللي اتنزعت منهم لأن الإشعاع جوهم عالي جداً لسه في البدروم لحد دلوقتي
في عجلة الهواء اللي كانت هتتافتح بعد الانفجار بـ ٣ أيام في مهرجان عيد العمال وملعبتش يوم في حياتها
ده كلو لسه موجود
الطبيعة رجعت
الغريب إن بريبيات دلوقتي مليانة حياة.
ذئاب. خيول برية. دببة.
الطبيعة رجعت واستعمرت المدينة.الأشجار بتكسر الأسفلت. النباتات بتطلع من الشبابيك.
الطبيعة قدرت تتعافى من الإشعاع.
البشر لسه بيحاولوا
مفاعل واحد — كسر أكبر إمبراطورية في التاريخ
تشيرنوبل ماكانتش بس كارثة نووية.
كانت الضربة الأخيرة للاتحاد السوفيتي.
جورباتشوف نفسه قال إنها كانت نقطة التحول أكتر من أي حاجة تانية.
لأول مرة الحكومة السوفيتية اضطرت تعترف بفشل قدام العالم كله.
الكذبة اتكشفت.
والإمبراطورية انهارت بعدها بـ ٥ سنين بسبب فخرها
الاتحاد السوفيتي بنى نفسه على فكرة واحدة.
إننا أقوى من الجميع. إننا مش بنغلط. وإننا لو غلطنا مش هنعترف.
تشيرنوبل كسرت الفكرة دي.
لأول مرة الإمبراطورية اضطرت تقف قدام العالم وتقول “غلطنا.”
وده اللي قتله. مش الإشعاع. مش الاقتصاد. مش الحرب الباردة.
الاعتراف بالغلط كسر الصورة اللي بنوا عليها كل حاجة.
ولما الصورة اتكسرت مفيش حاجة تانية تتمسك بيها.
الإمبراطورية انهارت من جوه. زي المفاعل بالظبط.
طب إيه اللي خلى المفاعل يتفرقع أصلاً
العيب الحقيقي كان في تصميم المفاعل نفسه — نوعه RBMK.
المشكلة كانت في حاجة اسمها “معامل الفراغ الموجب”
يعني لما البخار بيتكون جوه المفاعل بدل ما الطاقة تقل بترتفع.
زي عربية لما بتضغط على الفرامل — تتسارع.
وفيه مشكلة تانية في طرف قضبان التحكم
القضبان دي المفروض توقف التفاعل لما بتتحط
بس في اللحظة الأولى لما بتنزل بتزود الطاقة لثوان قبل ما توقفها.
وده بالظبط اللي حصل لما ضغطوا زرار الطوارئ.
شكرا 🌹علي رأيك ونا عارف المشكلة دي وباحول احسنها مقال القادم مش هيبقا فية المشكلة دي انشاء اللة
مقال أسطوري